Mga katanungan sa aking isipan
'Di malaman kung ano ang kasagutan
Litong-lito, kung ano nga bang gagawin
Kapalaran nga ba ay para sa akin?
Magandang buhay, kailan malalasap?
Kay hirap sumabay sa alon ng buhay
Kung maraming pagsubok ang nakalaan
Bago makamit ang masarap na buhay
Dapat nga bang ipagpatuloy ito?
Mga katanungan na hirap sagutin
Ngunit kung hindi 'to ipapagpatuloy
Ang propesyon ko nga ba ay makakamit?
Sa dami ng baraha'y naging alas pa
Ito'y tanging dahilan upang sumikap
Para sa aking pamilyang umaasa
Na ako'y magtatagumpay sa larangan
Mahirap magpatuloy ngunit isipin
Ito'y daan upang subukin ka lamang
Kung gaano ka katatag sa pagsubok
Sa ngayon magpapatuloy ka pa nga ba?
No comments:
Post a Comment